«Реал Мадрид» бош мураббий излашни давом эттирмоқда.

As хабарига кўра, ҳозирда ПСЖ бош мураббийи Маурисио Почеттино мадридликлар учун асосий вариант бўлиб қолмоқда.

Испания жамоаси раҳбарияти аргентиналикни таклиф қилиш учун аллақачон бир қатор чораларни кўрган, аммо ҳужумчи Килиан Мбаппенинг трансферидан олдин парижликлар билан муносабатларни бузмаслик учун музокараларни расмий даражага ўтказишни истамаяпти. Мадриднинг «Реал» клуби Почеттинонинг ўзи ПСЖдан кетишини хоҳламоқда.

Шу билан бирга, «Тоттенхэм» 49 ёшли мутахассисни қайтаришни хоҳлаётгани ва бу ҳам «қаймоқранглилар» га тўсиқ бўлиб қолиши мумкинлиги қайд этилган.

Агар Почеттино билан келишув амалга ошмаса, «Реал» ҳозирда «Кастилья»да ишлаётган Раулни бош мураббий лавозимига таклиф қилади.

«Реал» томонидан асосий номзодлардан бири сифатида кўрилган «Интер» нинг собиқ бош мураббийи Антонио Конте варианти ўз аҳамиятини йўқотди, энди унинг тайинланиши энди эҳтимолдан йироқ, аммо истисно этилмайди.