BAAda bo‘lib o‘tayotgan boks bo‘yicha Osiyo chempionatida bugun erkaklar o‘rtasidagi final janglari o‘tkaziladi.
O‘zbekiston terma jamoasi finalga eng ko‘p sportchi bilan yetib keldi. Yetti nafar yurtdoshimiz qit’a chempionligi uchun ringga ko‘tariladi. Ularning 4 nafariga qo‘shni Qozog‘iston vakillari raqiblik qilishadi. Umuman olganda, qo‘shnilarimizning 5 nafari final yo‘llanmasini qo‘lga kiritishgan.
Bundan tashqari, Hindiston va Mo‘g‘ulustonning 3 nafardan, Eronning esa 2 nafar bokschisi finalda jang qiladi.
49 kg. Nodirjon Mirzaxmedov (O‘zbekiston) - Daniyal Sabit (Qozog‘iston)
52 kg. Shahobiddin Zoirov (O‘zbekiston) - Amit (Hindiston)
56 kg. Mirazizbek Mirzaxalilov (O‘zbekiston) - Xarku Enx-Amar (Mo‘g‘uliston)
60 kg. Erdenebat (Mo‘g‘uliston) - Daniyal Shaxbaxsh (Eron)
64 kg. Shiva Tapa (Hindiston) - Chinzorig Baatarsuxga (Mo‘g‘uliston)
69 kg. Bobo-Usmon Baturov (O‘zbekiston) - Ablayxan Jusupov (Qozog‘iston)
75 kg. Saidjamshid Ja’farov (O‘zbekiston) - Abilxan Amankul (Qozog‘iston)
81 kg. Dilshod Ro‘zmetov (O‘zbekiston) - Meysam Geshlagi (Eron)
91 kg. Vasiliy Levit (Qozog‘iston) — Sanjit (Hindiston)
+91 kg. Bahodir Jalolov (O‘zbekiston) - Qamshibek Qo‘nqabayev (Qozog‘iston)
Eslatib o‘tamiz, bungacha Abdumalik Xalakov, Elnur Abduraimov va Sanjar Tursunov kabi bokschilarimiz bronza medalini qo‘lga kiritishgandi.
Janglar Toshkent vaqti bilan soat 19:00dan so‘ng boshlanadi.
