БААда бўлиб ўтаётган бокс бўйича Осиё чемпионатида бугун эркаклар ўртасидаги финал жанглари ўтказилади.
Ўзбекистон терма жамоаси финалга энг кўп спортчи билан етиб келди. Етти нафар юртдошимиз қитъа чемпионлиги учун рингга кўтарилади. Уларнинг 4 нафарига қўшни Қозоғистон вакиллари рақиблик қилишади. Умуман олганда, қўшниларимизнинг 5 нафари финал йўлланмасини қўлга киритишган.
Бундан ташқари, Ҳиндистон ва Мўғулустоннинг 3 нафардан, Эроннинг эса 2 нафар боксчиси финалда жанг қилади.
49 кг. Нодиржон Мирзахмедов (Ўзбекистон) - Даниял Сабит (Қозоғистон)
52 кг. Шаҳобиддин Зоиров (Ўзбекистон) - Амит (Ҳиндистон)
56 кг. Миразизбек Мирзахалилов (Ўзбекистон) - Харку Энх-Амар (Мўғулистон)
60 кг. Эрденебат (Мўғулистон) - Даниял Шахбахш (Эрон)
64 кг. Шива Тапа (Ҳиндистон) - Чинзориг Баатарсухга (Мўғулистон)
69 кг. Бобо-Усмон Батуров (Ўзбекистон) - Аблайхан Жусупов (Қозоғистон)
75 кг. Саиджамшид Жаъфаров (Ўзбекистон) - Абилхан Аманкул (Қозоғистон)
81 кг. Дилшод Рўзметов (Ўзбекистон) - Мейсам Гешлаги (Эрон)
91 кг. Василий Левит (Қозоғистон) — Санжит (Ҳиндистон)
+91 кг. Баҳодир Жалолов (Ўзбекистон) - Қамшибек Қўнқабаев (Қозоғистон)
Эслатиб ўтамиз, бунгача Абдумалик Халаков, Элнур Абдураимов ва Санжар Турсунов каби боксчиларимиз бронза медалини қўлга киритишганди.
Жанглар Тошкент вақти билан соат 19:00дан сўнг бошланади.
