Pro liga 9-turining so‘nggi va markaziy o‘yinida «Dinamo» Toshkentda «Olimpik» klubi mehmoni bo‘ldi.

Uchrashuvning 30-daqiqasida Temur Kapadze shogirdlari himoyachimizning xatosidan keyin Temur Mamasiddiqovning goli bilan hisobni ochishdi – 1:0.

Bo‘lim yakunida hujumkorlikni oshirgan vakillarimiz 44-daqiqada Shohrux Abdurahmonovning uzoq masofadan yo‘llagan ajoyib zarbasi bilan hisobni tenglashtirishdi – 1:1.

Ikkinchi bo‘limda hujumkorlikni oshirgan Hakim Fuzaylov shogirdlari 70-daqiqada tajribali himoyachi Obid Jo‘raboyevning goli evaziga Toshkentdan muhim g‘alaba bilan qaytishdi – 1:2.

Natijada Samarqand jamoasi ochkolari sonini 15taga yetkazib, 3-o‘ringa ko‘tarilib oldi. «Olimpik» esa 14 ochko bilan 4-o‘ringa tushdi.

Pro liga. 9-tur. 3 iyun
«Olimpik» - «Dinamo» - 1:2
Toshkent, «Jar» stadioni.
Bosh hakam: Shavkat Nasibullayev (Namangan)
Gollar: Temurbek Mamasiddiqov 30 – Shoxruh Abdurahmonov 44, Obid Jo‘raboyev 70.
«Olimpik»: H.Abdunabiyev, M.Mirsaidov, SH.Sultonmurodov, B.SHamsiyev, F.Muxtorov, M.Ibrohimov, D.Tursunov, T.Mamasiddiqov, A.Bo‘riyev, O.Jo‘raqo‘ziyev, A. Odilov.
«Dinamo»: Arslonbek Ahrorov, Dmitro Sidorenko, Muhammadqodir Hamraliyev, Obid Jo‘raboyev (Humoyun Sherbo‘tayev, 75), G‘olib Sariboyev, Komil Sharofutdinov, Temurbek Ismoilov, Oleg Marchuk, Shoxruh Abdurahmonov (Siroj Meliyev, 58), Sardor Eminov (Islom Sharipov, 85), Timur Usmonov.