Про лига 9-турининг сўнгги ва марказий ўйинида «Динамо» Тошкентда «Олимпик» клуби меҳмони бўлди.

Учрашувнинг 30-дақиқасида Темур Кападзе шогирдлари ҳимоячимизнинг хатосидан кейин Темур Мамасиддиқовнинг голи билан ҳисобни очишди – 1:0.

Бўлим якунида ҳужумкорликни оширган вакилларимиз 44-дақиқада Шоҳрух Абдураҳмоновнинг узоқ масофадан йўллаган ажойиб зарбаси билан ҳисобни тенглаштиришди – 1:1.

Иккинчи бўлимда ҳужумкорликни оширган Ҳаким Фузайлов шогирдлари 70-дақиқада тажрибали ҳимоячи Обид Жўрабоевнинг голи эвазига Тошкентдан муҳим ғалаба билан қайтишди – 1:2.

Натижада Самарқанд жамоаси очколари сонини 15тага етказиб, 3-ўринга кўтарилиб олди. «Олимпик» эса 14 очко билан 4-ўринга тушди.

Про лига. 9-тур. 3 июнь
«Олимпик» - «Динамо» - 1:2
Тошкент, «Жар» стадиони.
Бош ҳакам: Шавкат Насибуллаев (Наманган)
Голлар: Темурбек Мамасиддиқов 30 – Шохруҳ Абдураҳмонов 44, Обид Жўрабоев 70.
«Олимпик»: Ҳ.Абдунабиев, М.Мирсаидов, Ш.Султонмуродов, Б.Шамсиев, Ф.Мухторов, М.Иброҳимов, Д.Турсунов, Т.Мамасиддиқов, А.Бўриев, О.Жўрақўзиев, А. Одилов.
«Динамо»: Арслонбек Аҳроров, Дмитро Сидоренко, Муҳаммадқодир Ҳамралиев, Обид Жўрабоев (Ҳумоюн Шербўтаев, 75), Ғолиб Сарибоев, Комил Шарофутдинов, Темурбек Исмоилов, Олег Марчук, Шохруҳ Абдураҳмонов (Сирож Мелиев, 58), Сардор Эминов (Ислом Шарипов, 85), Тимур Усмонов.