Rossiya terma jamoasi bosh murabbiyi Stanislav Cherchesov belgiyalik futbolchi Kevin De Bryuynening jarohati haqida o‘z fikrlari bilan o‘rtoqlashdi.
- Belgiya terma jamoasining so‘nggi uchrashuvini ko‘rganmisiz? Unda qanday xulosalar qildingiz?
- Ko‘pchilik OAV De Bryuyne jarohat olganidan xursand bo‘lishimiz kerakligi haqida yozishdi. Avvalo, bu narsadan Xudo asrasin. Bu futbolchi, bizning hamkasbimiz. Saloh Jahon chempionatidan oldin, jarohat olganida ham xafa bo‘lganimizni yashirmadik. Afsus. Chunki bu futbolchilar Jahon va Yevropa chempionatlarini bezab turibdi. Biz hech kimga yomonlik tilamaymiz. Biz Belgiyaga qarshi De Bryuyne bilan ham, usiz ham o‘ynashga qodirmiz. Zo‘r futbolchi. Umid qilamizki, u yaxshilanadi va bizga qarshi o‘ynaydi. Belgiyaliklarning kechagi o‘yinini ko‘rmadim, ammo biz buni tabiiy ravishda tomosha qilamiz. Ya’ni gap shundaki, bizda ertaga o‘yin bor va biz ushbu uchrashuvga tayyorgarlik ko‘ryapmiz.
