«Yuventus» markaziy himoyachisi Kristian Romero tez orada «Atalanta»ning to‘laqonli futbolchisiga aylanadi, deya xabar bermoqda Goal.com.

Manbaning xabariga ko‘ra, Bergamo klubi ijara shartnomasidagi tegishli variantdan foydalangan holda 23 yoshli futbolchini «Yuventus»dan sotib olishga qaror qilgan.

Argentinalik futbolchini sotib olish «Atalanta»ga 16 million yevroga tushadi. Buning uchun jamoa o‘tgan yili 2 million to‘langan edi.

O‘tgan mavsumda Romero jami 42 ta o‘yin o‘tkazib, unda 3 ta gol urgan va 4 ta golli uzatmani amalga oshirgan.