«Ювентус» марказий ҳимоячиси Кристиан Ромеро тез орада «Аталанта»нинг тўлақонли футболчисига айланади, дея хабар бермоқда Goal.com.
Манбанинг хабарига кўра, Бергамо клуби ижара шартномасидаги тегишли вариантдан фойдаланган ҳолда 23 ёшли футболчини «Ювентус»дан сотиб олишга қарор қилган.
Аргентиналик футболчини сотиб олиш «Аталанта»га 16 миллион еврога тушади. Бунинг учун жамоа ўтган йили 2 миллион тўланган эди.
Ўтган мавсумда Ромеро жами 42 та ўйин ўтказиб, унда 3 та гол урган ва 4 та голли узатмани амалга оширган.
