Xorvatiya yarim himoyachisi Luka Modrich Yevro-2020da Angliyaga qarshi o‘yinga bo‘lgan taxminlari bilan o‘rtoqlashdi.
«Men har doim optimistman va Xorvatiya keyingi bosqichga chiqadi deb o‘ylayman, ammo biz bu safar juda qiyin guruhga duch keldik. Birinchi uchrashuvni "Uembli"da Angliyaga qarshi o‘tkazamiz, bu juda ko‘p narsadan dalolat beradi.
Bu haqiqiy final, chunki musobaqani mag‘lubiyat bilan boshlasangiz, ikkinchi o‘yin oldidan juda qiyin vaziyatga tushib qolishingiz mumkin - xatoga yo‘l qo‘yishga haqqimiz yo‘q. Musobaqani bu tarzda boshlash eng yomon variant. Bu uchrashuv muvaffaqiyatsiz bo‘lmasligimizni bilamiz. Agar biz o‘z o‘zimizni majburlay olsak, g‘alaba qozonishimiz mumkin, men bunga aminman.
Musobaqa g‘olibligi uchun aniq favoritni ko‘rmayapman, shuning uchun uni Xorvatiya ham yutishini istisno etmayman. Biz qo‘limizdan kelganicha harakat qilamiz», - dedi Modrich.
Xorvatiya 13 iyun kuni guruh bosqichida Angliyaga qarshi o‘ynaydi, so‘ngra Chexiya (18 iyun) va Shotlandiya (22 iyun) bilan to‘qnash keladi.
