Хорватия ярим ҳимоячиси Лука Модрич Евро-2020да Англияга қарши ўйинга бўлган тахминлари билан ўртоқлашди.

«Мен ҳар доим оптимистман ва Хорватия кейинги босқичга чиқади деб ўйлайман, аммо биз бу сафар жуда қийин гуруҳга дуч келдик. Биринчи учрашувни "Уэмбли"да Англияга қарши ўтказамиз, бу жуда кўп нарсадан далолат беради.

Бу ҳақиқий финал, чунки мусобақани мағлубият билан бошласангиз, иккинчи ўйин олдидан жуда қийин вазиятга тушиб қолишингиз мумкин - хатога йўл қўйишга ҳаққимиз йўқ. Мусобақани бу тарзда бошлаш энг ёмон вариант. Бу учрашув муваффақиятсиз бўлмаслигимизни биламиз. Агар биз ўз ўзимизни мажбурлай олсак, ғалаба қозонишимиз мумкин, мен бунга аминман.

Мусобақа ғолиблиги учун аниқ фаворитни кўрмаяпман, шунинг учун уни Хорватия ҳам ютишини истисно этмайман. Биз қўлимиздан келганича ҳаракат қиламиз», - деди Модрич.

Хорватия 13 июн куни гуруҳ босқичида Англияга қарши ўйнайди, сўнгра Чехия (18 июн) ва Шотландия (22 июн) билан тўқнаш келади.