Qozog‘istonning Olma-ota shahrida yengil atletika bo‘yicha xalqaro musobaqa bo‘lib o‘tmoqda. Ahamiyatlisi, bugun unda ishtirok etgan yurtdoshimiz Suhrob Xo‘jayev Tokio-2020 normativini bajarishga muvaffaq bo‘ldi.
Bosqon uloqtirish bo‘yicha ishtirok etayotgan vakilimiz musobaqada 77.57 metr natija qayd etishga muvaffaq bo‘ldi. Bu esa Tokio-2020 normatividan 7 santimetrga yaxshiroq ko‘rsatkichdir.
Ahamiyatlisi, ushbu natija bilan vakilimiz joriy mavsum bo‘yicha qit’a yetakchiligini mustahkamladi. Xo‘jayev qatarlik Osiyo o‘yinlari g‘olibini 3 metrdan yaxshiroq ko‘rsatgichga orta qoldirmoqda.
Shu tariqa, yengil atletika bo‘yicha Tokio-2020 normativini bajargan vakillarimiz soni 3 nafarga yetdi. Bungacha balandlikka sakrash bo‘yicha Svetlana Radzivil va Safina Sa’dullayeva bu boradagi vazifani uddalashgan edi.
