Turinning «Yuventus» klubi hujumchisi Krishtianu Ronaldu hali transfer bozorida yuqori talablarga ega emas.

Sky Sport Italia xabariga ko‘ra, 36 yoshli futbolchi boshqa klubga o‘tish uchun maoshni kamaytirishga rozi bo‘lishi kerak.

Ma’lum bo‘lishicha, ushbu yozda portugaliyalik yulduzga yiliga 30 million yevro maosh bilan shartnoma taklif qilinmaydi. So‘nggi qarorni Krish Yevropa chempionatidan so‘ng e’lon qiladi.

O‘tgan mavsumda Ronaldu 44 o‘yinda 36 gol urdi va 4 ta golli pas berdi. Uning transfer qiymati 45 million yevroni tashkil etadi.