«RB Sport» xabariga ko‘ra, Rossiya terma jamoasining 23 yoshli yarimhimoyachisi Andrey Mostovoyda koronavirus aniqlangan.
Biroq ayrim manbalarga ko‘ra ushbu xabarning yolg‘onligi ham aytilyapti. Ta’kidlanishicha, Mostovoy allaqachon koronavirusdan forig‘ bo‘lgan, ammo uning antikorlari hamon saqlanib qolgan. Shunga qaramay yarimhimoyachi jamoa bazasidan to‘liq ajratilgan.
Mostovoy terma jamoa bilan Sankt-Peterburgga yetib keldi, u yerda 12 iyun kuni ruslar Belgiya termasiga qarshi Yevro-2020 o‘yinini o‘tkazadilar.
Manbaning xabar berishicha, ertaga, 12 iyun, shanba kuni Andrey Mostovoy yana testdan o‘tadi.
