«РБ Спорт» хабарига кўра, Россия терма жамоасининг 23 ёшли яримҳимоячиси Андрей Мостовойда коронавирус аниқланган.
Бироқ айрим манбаларга кўра ушбу хабарнинг ёлғонлиги ҳам айтиляпти. Таъкидланишича, Мостовой аллақачон коронавирусдан фориғ бўлган, аммо унинг антикорлари ҳамон сақланиб қолган. Шунга қарамай яримҳимоячи жамоа базасидан тўлиқ ажратилган.
Мостовой терма жамоа билан Санкт-Петербургга етиб келди, у ерда 12 июнь куни руслар Бельгия термасига қарши Евро-2020 ўйинини ўтказадилар.
Манбанинг хабар беришича, эртага, 12 июнь, шанба куни Андрей Мостовой яна тестдан ўтади.
