"Manchester Yunayted" yarimhimoyachi Jadon Sancho transferi borasida Dortmundning "Borussiya" klubi bilan muzokaralarni davom ettirmoqda.
Sky Sports xabariga ko‘ra, 21 yoshli yarim himoyachi uchun klublar taxminan 11 million funtni deb kelisha olishmayapti(taxminan 13 million yevro).
"Yunayted" ingliz futbolchisi uchun bonuslarni hisobga olgan holda 75 million funt (taxminan 87 million yevro) taklif qildi. "Borussiya" 86 million funt sterling (100 million yevrodan sal ko‘proq) olmoqchi.
Klublar o‘rtasida muzokaralar davom etmoqda. "Borussiya" talab qilingan 86 million funtning katta qismini zudlik bilan olishni istamoqda va qolgan summani tomonlar Sancho amalga oshiradigan yutuqlar uchun bonus sifatida belgilashi mumkin.
Barcha tomonlar bitimni muvaffaqiyatli yakunlash tarafdori.
O‘tgan mavsumda Sancho Bundesligada 26 uchrashuv o‘tkazdi, 8 gol urdi va 11 golga uzatma berdi.