Angliya terma jamoasi hujumchisi Raxim Sterling Yevropa chempionatining guruh bosqichidagi Xorvatiya bilan o‘yindan so‘ng o‘z hissiyotlari bilan o‘rtoqlashdi.
- Gol urganim yaxshi. Men doimo "Uembli"da katta musobaqada o‘ynasam, gol ursam deb orzu qilardim. Musobaqani g‘alaba bilan boshlash juda zo‘r edi, endi biz keyingi uchrashuvlarni kutmoqdamiz. Mavsum uzoq, lekin Yevroga kelganimdan xursandman. Yigitlar bugun juda zo‘r o‘ynadilar. Biz diqqatimizni jamlashimiz kerak, chunki bu faqat boshlanishi. Biz g‘alaba qozonishda davom etishimiz va g‘oliblik mentalitetini rivojlantirishimiz kerak", - dedi Sterling.
Angliya terma jamoasi keyingi turda Shotlandiya termasi bilan o‘ynaydi, o‘yin 18 iyun kuni bo‘lib o‘tadi.
