Futbol bo‘yicha Yevropa chempionati guruh bosqichi 1-turi doirasida Avstriya va Shimoliy Makedoniya terma jamoalari o‘rtasidagi bahs yakunlandi.

Buxarest shahri mezbonlik qilgan o‘yinda umumiy hisobda 3 ta gol kiritildi. Dastlab Shtefan Layner 18-daqiqada Avstriyani hisobda oldinga olib chiqdi. Oradan o‘n daqiqa o‘tar-o‘tmas esa Goran Pandev muvozanatni tikladi. «Jenoa» hujumchisi Makedoniyaning Yevropa chempionatlaridagi debyut goliga mualliflik qildi. Ammo 78-daqiqada Avstriya ikki bor gol urib, g‘alabani o‘z tomoniga og‘dirib oldi. Gollar Mixael Gregorich va Marko Arnautovich hisobiga yozildi.

Avstriya – Shimoliy Makedoniya 3:1

Gollar: 1:0 – 18 Layner, 1:1 – 28 Pandev, 2:1 – 78 Gregorich, 3:1 – 89 Arnautovich.

Avstriya: Bahmann, Layner, Dragovich (Linxart, 46), Hinteregger, Alaba, Baumgartner (Gregorich, 58), Shlager (Ilzanker, 90), Zabitser, Laymer (Baumgartlinger, 90), Ulmer, Kalayjich (Arnautovich, 59).

Shimoliy Makedoniya: Dimitriyevski, Velkoski, Ristovski, Musliu (Ristovski, 86), Alioski, Bardi (Trichkovski, 82), Nikolov (Beytulai, 63), Ademi, Elmaz, Traykovski (Kostadinov, 63), Pandev.

Ogohlantirishlar: Traykovski (42), Alioski (52), Layner (85).