"Yuventus" va Portugaliya terma jamoasi hujumchisi Krishtianu Ronaldu Turin klubidagi kelajagi haqida fikrlari bilan o‘rtoqlashdi.
- Men 18 yildan beri eng yuqori darajada o‘ynayman, men haqimda mish-mishlar tashvishlantirmaydi. Nima bo‘lishidan qat’iy nazar, bu eng yaxshisi bo‘ladi. "Yuventus"da qolishim yoki ketishim hozirgi paytda eng muhim narsa emas. Men bor e’tiborimni o‘z terma jamoamga qaratganman, chunki bunday miqyosdagi turnirlar har kuni o‘tkazilmaydi.
Bu mening beshinchi Yevropa chempionatim, lekin men uchun bu birinchi bo‘lganga o‘xshaydi. Biz hozir 2016 yilga qaraganda yoshroq jamoamiz. Besh yil oldingidan yaxshiroq yoki yomon ekanligimizni faqat raqobat ko‘rsatib beradi. Shaxsiy darajada men o‘n yil oldingi futbolchiga o‘xshamayman», - dedi Ronaldu.
Oldinroq 36 yoshli portugaliyalik yozgi transfer oynasida Turin klubini tark etishi mumkinligi haqida xabar berilgandi. Futbolchiga "Manchester Yunayted" va "PSJ" klublari qiziqish bildirmoqda. Ammo, hech bir klub Ronalduga hozirda "Yuventus"da oladigan maoshni to‘lashga tayyor emas (1 mavsumda 31 million yevro).
Ronalduning "Yuventus" bilan amaldagi shartnomasi 2022 yil 30 iyungacha amal qiladi. Yakunlangan mavsumda portugaliyalik 44 uchrashuvda 36 gol urishdi va 4 golli pas berishdi.
Portugaliya amaldagi Yevropa chempioni. Guruh bosqichida ular Vengriya, Germaniya va Fransiyaga qarshi o‘ynaydi.
