Bugun, soat 21:00da YEVRO-2020'ning asosiy favoritlaridan biri bo‘lgan Portugaliya terma jamoasi turnirdagi ishtirokini boshlaydi. Hozir shu haqda.
Amaldagi Yevropa chempionlari Vengriyaga qarshi o‘yin bilan boshlashadi turnirni. Bu ikki terma jamoa 5 yil avval Fransiyada ham bir guruhdan joy olishgan edi. 3-turdagi o‘yin esa musobaqadagi eng zo‘r uchrashuvlardan biri bo‘lgan – 3:3. O‘shanda Ronaldu dubl muallifiga aylangan. O‘ta chiroyli gollardan birini urgan edi. 2016 yil Portugaliya barchani ajablantirib Islandiya va Vengriya oldinga o‘tkazib, guruhdan 3-o‘rin bilan nimchorakka chiqandi. Ammo bu safar guruhda holat boshqacharoq. Qolgani ikki terma jamoa – Fransiya va Germaniya.
Bugungi Portugaliya o‘ta kuchli tarkibga ega. 36 yoshli Ronaldu uchun bu so‘nggi Yevropa chempionati bo‘lishi mumkin. U klubdagi omadsiz mavsum uchun bor alamini bu turnirda olishi hech gap emas. Boz ustiga sayyorraning narigi tomonida Leo Messi rekordlarni o‘rnatishni boshlab yubordi. Aslida Krish ham bugun gol ursa tarixga kiradi. Yevrolarda eng ko‘p gol urgan futbolchi nomini Mishel Platinidan to‘liq olib qo‘yadi. Hammaning e’tibori Ronaldu chetga surib qo‘ygan ichimlikda bo‘lib turgan bir vaqtda u o‘sha matbuot anjumanida anchayin qiziq gaplarni ham gapirdi.
“Men “Yuventus”da qolamanmi? Hozir bu ahamiyatsiz. Nima yuz bersa ham yaxshilikka bo‘ladi. 18 yildan beri yuqori darajada o‘ynab kelyapman. Agar 18-19 yosh bo‘lganimda hatto kechalari uxlamasdan kelajagim haqida o‘ylab chiqardim. Ammo, men 36 yoshdaman. Hozir Yevropa chempionatiga bor e’tiborimni qaratganman. Men g‘alaba qozonishni istayman. Birinchi va oxirgi o‘yingacha ijobiy kayfiyatda bo‘lishni istayman”, - dedi Ronaldu.
Biz balki 10 yillikdagi Ronalduga eng kam bog‘langa Portugaliya terma jamoasini ko‘rarmiz. Biroq uning maydonda qolganlardan ajralib turishi bahssiz mavzu.
Ronaldudan boshqalar haqida qisqacha.
2018 yilning iyul oyida APLning “Vulverhempton” klubi 11 nafar portugaliyalik futbolchini xarid qildi. Bu shubhasiz o‘sha yoz transfer oynasining eng qiziq voqeasi edi. Bu ishlar ortida esa dunyo futbolidagi eng tasiri katta shaxslardan biri – Jorje Mendesh turardi. O‘z navbatida bu keyinchalik milliy terma jamoaga bilvosita ta’sir etadigan voqea edi. Bu futbolchilarning yarmi Fernandu Santush tomonidan tarkibga jalb qilinar, Rui Silva, Joau Moutinyu, Ruben Nevesh va keyinchalik “Liverpul” futbolchisiga aylangan Diyego Jotalar asosiy tarkib vakillari hisoblanishardi.
Aslida Portugaliya chorak asrdan buyon Yevropa chempionatlarining eng muvaffaqiyatli terma jaomalaridan bir hisoblanadi. 2004 yil yosh Ronaldu bilan finalgacha yetib borib, Gresiyaga imkoniyatni boy bergan bu mamlakat termasi 2016 yil kuchga to‘lgan Ronaldu bilan bosh sovrinni qo‘lga kiritgan. Va umuman 2004 yildan buyon faqt birgina turnir yarimfinallari portugallarsiz o‘tgan.
Bosh murabbiy Fernandu Santush 2010-2014 yillar oralig‘ida, ya’ni hozirgi ishiga kelmaguncha Gresiyada ishlagan. U progmatik murabbiylar sirasiga kiradi. Va uning o‘ta hisob-kitobli ekani tarkibidagi o‘ta kuchli kreativ futbolchilar bilan dahshatli qorishmani yuzaga keltirgan.
Brunu Fernandesh. MYU yetakchisi hali terma jamoa tarkibida o‘zini yuqori komfortda his qilmayapgandek. Bu turnir uning uchun mavjud baryerlarni buzib tashlash va Ronaldudan yetakchi maqomini qabul qilib olishga berilgan bir imkondek gap.
Ruben Diash, Joau Konselu va Bernardu Silvaning MS bilan birga qanday mavsum o‘tkazgani ko‘pchilikka ma’lum. Ular Gvardiola jamoasining eng muhim vakillaridan hisoblanashadi.
Joau Felish esa garchi bundan yaxshirok kutilmalar bilan mavsumni boshlaganiga qaramay menimcha potensialini saqlab turibdi. Har holda Diyego Simeone jamoasida jon saqlash qiyin vazifa. U esa klub bilan birga Ispaniya chempioniga aylanib ulgurdi.
Xullas, ana shunaqa.
