La Gazette dello Sport nashrining Braziliya sog‘liqni saqlash vazirligiga asoslanib xabar berishicha, Amerika kubogida koronavirus yuqish holatlari ancha ko‘p qayd etilmoqda.
Manbaga ko‘ra, o‘tgan hafta musobaqada ishtirok etadigan terma jamoalar futbolchilari va xodimlari koronavirusga test topshirgan. Hammasi bo‘lib 2927 ta sinov o‘tkazildi.
Unda 41 ta test ijobiy natija berdi. Qayd etilishicha, kamida 20 ta infeksiya holatlari o‘yinchilarda uchragan. Bu to‘rtta jamoaga ta’sir qilishi mumkin. Hozircha ularning nomi ochiqlanmadi.
Eslatib o‘tamiz, musobaqa dastlab Argentina va Kolumbiyada o‘tkazilishi kerak edi, ammo Kolumbiyadagi noroziliklar va Argentinadagi xavfli epidemiologik vaziyat tufayli Braziliyaga ko‘chirildi.
