La Gazette dello Sport нашрининг Бразилия соғлиқни сақлаш вазирлигига асосланиб хабар беришича, Америка кубогида коронавирус юқиш ҳолатлари анча кўп қайд этилмоқда.

Манбага кўра, ўтган ҳафта мусобақада иштирок этадиган терма жамоалар футболчилари ва ходимлари коронавирусга тест топширган. Ҳаммаси бўлиб 2927 та синов ўтказилди.

Унда 41 та тест ижобий натижа берди. Қайд этилишича, камида 20 та инфекция ҳолатлари ўйинчиларда учраган. Бу тўртта жамоага таъсир қилиши мумкин. Ҳозирча уларнинг номи очиқланмади.

Эслатиб ўтамиз, мусобақа дастлаб Аргентина ва Колумбияда ўтказилиши керак эди, аммо Колумбиядаги норозиликлар ва Аргентинадаги хавфли эпидемиологик вазият туфайли Бразилияга кўчирилди.