Fransiya terma jamoasi bosh murabbiyi Didye Desham Yevropa chempionati guruh bosqichining birinchi turida Germaniya ustidan qozonilgan g‘alaba haqida gapirdi. Fransuzlar mazkur uchrashuvda minimal hisobda g‘alaba qozonishdi.

- Biz juda kuchli raqibga qarshi ajoyib o‘yin o‘tkazdik. Men futbolchilarim bunga tayyorligini bilardim, buni ular ushbu jangda tasdiqlashdi.
Biz xotirjamlikni ta’minlaydigan ikkinchi golga yaqin edik, ammo usiz ikkinchi bo‘limda ko‘p azob chekmadik. Bu yuqori darajadagi va iqtidorli futbolchilarga boy o‘yin bo‘lib chiqdi, - dedi Desham.

Keyingi turda Fransiya Vengriya bilan, Germaniya esa Portugaliya bilan o‘yin o‘tkazadi. Ikkala uchrashuv ham 19 iyunda o‘tkazilishi rejalashtirilgan.