Germaniya terma jamoasi bosh murabbiyi Yoaxim Lyov Yevro-2020 guruh bosqichining 1-tur uchrashuvida jamoasining Fransiyaga (0:1) qarshi o‘yindagi mag‘lubiyati haqida fikr bildirdi.
«Bugun dahshatli va shiddatli o‘yin bo‘ldi. Biz oxirigacha kurashdik. Jamoani ayblay olmayman, biz borimizni berdik. Raqib maydonining uchdan bir qismiga kirib borish yetishmayotgan edi. Matsga o‘z darvozasi ishg‘ol qilgani uchun hech qanday da’vo yo‘q, u o‘sha epizodda to‘pni burib yuborishi qiyin edi.
Jamoam qanotlardan o‘ynashga harakat qildi. Biz raqib markazdagi zonalarni yopishlarini va to‘p bilan kurashishda kuchli ekanliklarini bilardik. Gosens va Kimmix bugun hujumda juda ko‘p qatnashdilar, ikkinchi bo‘limda esa Gnabrida katta imkoniyat bo‘ldi.
Fransiya qarshi hujumda juda yaxshi ishlashini bilardik. Biz ularni har doim ham to‘xtata olmadik. Ular hujumda nihoyatda tez. Biz katta tavakkal qilishimiz kerak bo‘lganida, Fransiya qarshi hujumdan foydalanishdi», - deydi Lyov.
