Германия терма жамоаси бош мураббийи Йоахим Лёв Евро-2020 гуруҳ босқичининг 1-тур учрашувида жамоасининг Францияга (0:1) қарши ўйиндаги мағлубияти ҳақида фикр билдирди.

«Бугун даҳшатли ва шиддатли ўйин бўлди. Биз охиригача курашдик. Жамоани айблай олмайман, биз боримизни бердик. Рақиб майдонининг учдан бир қисмига кириб бориш етишмаётган эди. Матсга ўз дарвозаси ишғол қилгани учун ҳеч қандай даъво йўқ, у ўша эпизодда тўпни буриб юбориши қийин эди.

Жамоам қанотлардан ўйнашга ҳаракат қилди. Биз рақиб марказдаги зоналарни ёпишларини ва тўп билан курашишда кучли эканликларини билардик. Госенс ва Киммих бугун ҳужумда жуда кўп қатнашдилар, иккинчи бўлимда эса Гнабрида катта имконият бўлди.
Франция қарши ҳужумда жуда яхши ишлашини билардик. Биз уларни ҳар доим ҳам тўхтата олмадик. Улар ҳужумда ниҳоятда тез. Биз катта таваккал қилишимиз керак бўлганида, Франция қарши ҳужумдан фойдаланишди», - дейди Лёв.