«Barselona» rahbariyati yozgi transferlar vaqtida jamoa himoya chizig‘ini mustahkamlaydigan futbolchi sifatida «Borussiya M» himoyachisi Mattias Ginterni nishonga oldi.

Kataloniyaliklar Germaniya terma jamoasi a’zosini to‘liq sotib olishni rejalashtirmoqda. Buning uchun klub fransiyalik himoyachi Samyuel Umtitidan qutilishi kerak bo‘ladi.

Ta’kidlash  joizki, «Barselona» mutasaddilari ancha paytdan beri Umtitiga xaridor topa olmayapti.

Mattias Ginterning myonxengladbaxliklar bilan amaldagi shartnomasi kelasi yili yakunlanadi. 27 yoshli himoyachi bitimni uzaytirmoqchi emas va faoliyatini Ispaniya chempionatida davom ettirishni istamoqda.