Chexiya termasi bosh murabbiyi Yaroslav Shilhavi Xorvatiya terma jamoasiga qarshi o‘yin oldidan o‘z fikrlarini bildirdi.
«Maqsadimiz aniq — guruhdan keyingi bosqichga yo‘l olishni istaymiz. Keyingi ikki o‘yinda bir ochko ham yetarli bo‘lishi mumkin, ammo durang uchun o‘ynashni xohlamaymiz. Xorvatiya katta klublardagi top saviyali o‘yinchilarga ega amaldagi vise Jahon chempioni. Muvaffaqiyat qozonmoqchi bo‘lsak, jamoaviy ajoyib o‘yin namoyish etishimiz kerak. Bu g‘alaba qozonishning yagona yo‘li».
