Va nihoyat Coca-Cola Superligasida yuzaga kelgan tanaffus ham nihoyalab qoldi. Superliganing 10-turida “ajdarlar” Andijonning “Andijon” jamoasini qabul qiladi. Bellashuv 20-iyun kuni Qarshidagi “Markaziy” o‘yingohda soat 20:00 da boshlanadi.

Qarshiliklar FIFA kunlari munoabati bilan yuzaga kelgan tannafusda ikkita nazorat uchrashuvi tashkil qildi. Birinchi nazorat uchrashuvida “ajdarlar” ikkiga bo‘lingan holda o‘tkazgan bo‘lsa, ikkinchi bellashuvda vakillarimiz “Navbahor” jamoasi bilan kuch sinashib 2:1 hisobida g‘alab qozondi.

Hozirda barcha terma jamoa ixtiyorida bo‘lgan futbolchi va murabbiylar jamoa tarkibiga kelib qo‘shilgan va mashg‘ulotlarda ishtirok etishmoqda.

Mazkur jamoalar O‘zbekiston chempionatida shu vaqtga qadar 40 bor kuch sinashishgan. Jamoalar o‘rtasida bo‘lib o‘tgan bellashuvlarda “ajdarlar” katta farq ustunlik qilishmoqda. 26 uchrashuvda vakillarimiz, 6 o‘yinda esa andijonliklar zafar quchishgan. 8 uchrashuvda esa durang natija qayd etilgan. To‘plar nisbati 89:46 ga teng. Ustunlik “ajdarlar” tarafida.

O‘zaro uchrashuvlarda qayd etilgan eng yuqori hisoblar quyidagicha: “Nasaf” – “Andijon” 8:1, “Andijon” – “Nasaf” 6:0.

Jamoalar so‘nggi o‘zaro uchrashuvni 2020 yili 15-sentyabr kuni  Andijonda kuch sinashishgan. Bellashuvda “ajdarlar” 1:0 hisobida g‘alaba qozonishgan. Uchrashuvdagi yagona golga Bobir Abdixoliqov mualliflik qilgan.

E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:

15.09.2020. Andijon — Nasaf - 0:1
08.03.2020. Nasaf — Andijon - 2:1
19.10.2019. Nasaf — Andijon - 3:0
18.04.2019. Andijon — Nasaf - 3:1
17.09.2016. Andijon — Nasaf - 0:0