Ва ниҳоят Coca-Cola Суперлигасида юзага келган танаффус ҳам ниҳоялаб қолди. Суперлиганинг 10-турида “аждарлар” Aндижоннинг “Aндижон” жамоасини қабул қилади. Беллашув 20-июнь куни Қаршидаги “Марказий” ўйингоҳда соат 20:00 да бошланади.

Қаршиликлар ФИФA кунлари муноабати билан юзага келган таннафусда иккита назорат учрашуви ташкил қилди. Биринчи назорат учрашувида “аждарлар” иккига бўлинган ҳолда ўтказган бўлса, иккинчи беллашувда вакилларимиз “Навбаҳор” жамоаси билан куч синашиб 2:1 ҳисобида ғалаб қозонди.

Ҳозирда барча терма жамоа ихтиёрида бўлган футболчи ва мураббийлар жамоа таркибига келиб қўшилган ва машғулотларда иштирок этишмоқда.

Мазкур жамоалар Ўзбекистон чемпионатида шу вақтга қадар 40 бор куч синашишган. Жамоалар ўртасида бўлиб ўтган беллашувларда “аждарлар” катта фарқ устунлик қилишмоқда. 26 учрашувда вакилларимиз, 6 ўйинда эса андижонликлар зафар қучишган. 8 учрашувда эса дуранг натижа қайд этилган. Тўплар нисбати 89:46 га тенг. Устунлик “аждарлар” тарафида.

Ўзаро учрашувларда қайд этилган энг юқори ҳисоблар қуйидагича: “Насаф” – “Aндижон” 8:1, “Aндижон” – “Насаф” 6:0.

Жамоалар сўнгги ўзаро учрашувни 2020 йили 15-сентябр куни  Aндижонда куч синашишган. Беллашувда “аждарлар” 1:0 ҳисобида ғалаба қозонишган. Учрашувдаги ягона голга Бобир Aбдихолиқов муаллифлик қилган.

Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:

15.09.2020. Aндижон — Насаф - 0:1
08.03.2020. Насаф — Aндижон - 2:1
19.10.2019. Насаф — Aндижон - 3:0
18.04.2019. Aндижон — Насаф - 3:1
17.09.2016. Aндижон — Насаф - 0:0