Sky Sports xabariga ko‘ra, «Chelsi» markaziy himoyachisi Antonio Ryudiger bosh murabbiy Tomas Tuxelga kelasi mavsum jamoada o‘ynashga to‘liq tayyor ekanligini aytdi.
Nemis futbolchisining «ko‘klar» bilan shartnomasi yakunlanishiga bir yil vaqt qoldi va yangi shartnoma borasida muzokaralar hali davom etmayapti. Biroq himoyachi yanvar oyida boshqa klub bilan shartnoma imzolashi mumkin.
«Chelsi» oktyabr oyida Ryudiger bilan shartnomani yana bir yilga uzaytirish imkoniyatiga ega edi. Biroq bu amalga oshmadi, demak, endi klub uni bepul qo‘yib yuborish ehtimoli katta.
