«Milan» yetakchilaridan biri Xakan Chalxanoglu kelgusi faoliyati uchun «Inter»ni tanladi.
Futbolchining o‘zi qarorini rasman e’lon qildi. Turkiyalik yarimhimoyachi seshanba kuni yangi klubning futbolchisi sifatida ommaga tanishtiriladi.
«Men «Inter» bilan kelishuvga erishdim. Ertaga u yerga boraman. Uch yillik shartnoma imzolashim kutilyapti. Bu taxminan to‘rt yilga mo‘ljallangan bo‘ladi», - deya Xakanning so‘zlarini keltirmoqda TRT Sport.
«Inter» futbolchiga sobiq klubidagiga qaraganda bir million yevro ko‘proq maosh taklif qildi. Shuningdek, qo‘shimcha bonuslar ko‘rinishidagi summalar ham bo‘ladi.
