«Милан» етакчиларидан бири Хакан Чалханоглу келгуси фаолияти учун «Интер»ни танлади.
Футболчининг ўзи қарорини расман эълон қилди. Туркиялик яримҳимоячи сешанба куни янги клубнинг футболчиси сифатида оммага таништирилади.
«Мен «Интер» билан келишувга эришдим. Эртага у ерга бораман. Уч йиллик шартнома имзолашим кутиляпти. Бу тахминан тўрт йилга мўлжалланган бўлади», - дея Хаканнинг сўзларини келтирмоқда TRT Sport.
«Интер» футболчига собиқ клубидагига қараганда бир миллион евро кўпроқ маош таклиф қилди. Шунингдек, қўшимча бонуслар кўринишидаги суммалар ҳам бўлади.
