Braziliyada bo‘lib o‘tayotgan Amerika kubogi musobaqasida kecha "A" guruhi vakillari 3-tur o‘yinlarini o‘tkazishdi.

Urugvay milliy jamoasi Chili bilan to‘qnash kelib, durangga imzo chekdi — 1:1.

Argentina terma jamoasi esa Paragvay bilan to‘qnash kelib, kichik hisobda g‘alaba qozongdi. Uchrashuvdagi yagona golga Alexandro Gomes mualliflik qildi. Anxel Di Mariya esa unga assistentlik qildi.

Lionel Messi Argentina terma jamoasi safida 147-bahsda maydonga tushib, bu borada Xavyer Maskeranoga tegishli rekordni takrorladi. Leo milliy jamoa safida 2005 yilning 17 avgust kuni debyut qilgandi. Shundan buyon hujumchi 73ta gol va 52ta uzatma muallifiga aylandi.

Argentina terma jamoasi Kopa Amerikada 7 ochko bilan guruh peshqadami bo‘lib turibdi. Keyingi o‘rinlarni Chili (5 ochko, 3 o‘yin), Paragvay (3 ochko, 2 o‘yin), Urugvay (1 ochko, 2 o‘yin) va Boliviya (0 ochko, 2 o‘yin).

Amerika kubogi. Guruh bosqichi, 3-tur
Urugvay – Chili 1:1 (0:1, 1:0)
Gollar: 0:1 – 26 Vargas, 1:1 – 66, avtogol Vidal.
Urugvay – Muslera, Gonsales (Nandes, 46), Ximenes, Godin, Vinya (Rodriges, 85), Vesino (Torreyra, 81), Valverde, de la Krus (Kaseres, 46), de Arraskaeta (Torres, 60), Suares, Kavani.
Chili – Bravo, Syerralta, Medel, Maripan (Roko, 38), Isla, Pulgar, Arangis, Mena, Vidal (Alarkon, 69), Vargas (Meneses, 56), Brirton (Arriagada, 69).
Ogohlantirishlar: Valverde (13), Syerralta (19).
 
Argentina – Paragvay 1:0 (1:0, 0:0)
Gol: 1:0 – 10 Gomes.
Argentina – Martines, Talyafiko, Pesselya, Molina, Romero, Di Mariya (Korrea, 81), Gomes (de Paul, 72), Paredes (Dominges, 81), Rodriges, Messi, Aguero (Korrea, 59).
Paragvay – Silva, Gomes, Espinola, Alonso, Arsamendiya, Piris (Sanches, 82), Almiron, Romero (Romero, 66), Kubas (Kardoso Lusena, 66), Romero (Gonsales, 87), Avalos (Samudio, 87).
Ogohlantirishlar: Gomes (16), Paredes (34), Kardoso Lusena (78).