Britaniya matbuotining xabar berishicha, «Arsenal» va «Brayton» Ben Uaytning transferi to‘g‘risida yaqin orada kelishib olishadi.
Ammo dastlab klub rahbari futbolchini 40 million funtga sotish bo‘yicha birinchi taklifni rad etdi. Shu bilan birga, futbolchi uchun shuncha pul to‘lay oladigan boshqa jamoalar yo‘q.
Bu albatta «to‘pchilar» foydasiga ishlashi mumkin. Uayt o‘tgan mavsumda Premyer-Liganing eng ishonchli markaziy himoyachilaridan biri sifatida e’tirof etildi.
«Arsenal» Benni asosiy tarkibdagi o‘yinchi sifatida ko‘rmoqda. Ushbu transfer uchun ajratilgan mablag‘larning bir qismi boshqa bir himoyachi Uilyam Salibni sotish orqali amalga oshishi rejalashtirilgan.
