L’Esportiu xabariga ko‘ra, «Barselona» yarimhimoyachisi Filippe Koutinyo ushbu mavsumda katta ehtimol klubdan ketmaydi.

Kataloniya klubida braziliyalikni boshqa klubga transfer qilish bo‘yicha hech qanday taklif yo‘q, shuning uchun «ko‘k-anorranglilar» rahbarlari allaqachon futbolchini bu mavsum ham tarkibda qoladi degan fikrga kelishgan.

Eslatib o‘tamiz, «Barselona» hali ham 29 yoshli braziliyalik uchun «Liverpul»ga 50 million yevro to‘lamagan. 2018 yilda klublar uning transferi bo‘yicha 120 million evaziga kelishib olishgandi, bonuslar tufayli bu miqdor 160 million yevrogacha ko‘payishi mumkin.

«Ko‘k-anorranglilar» rahbariyati Koutinyoni kamida 50 millionga sotmoqchi. O‘tgan mavsumda braziliyalik La Liganing 12 uchrashuvida 2 gol va 2 ta golli pas bergan.