L’Esportiu хабарига кўра, «Барселона» яримҳимоячиси Филиппе Коутиньо ушбу мавсумда катта эҳтимол клубдан кетмайди.

Каталония клубида бразилияликни бошқа клубга трансфер қилиш бўйича ҳеч қандай таклиф йўқ, шунинг учун «кўк-анорранглилар» раҳбарлари аллақачон футболчини бу мавсум ҳам таркибда қолади деган фикрга келишган.

Эслатиб ўтамиз, «Барселона» ҳали ҳам 29 ёшли бразилиялик учун «Ливерпул»га 50 миллион евро тўламаган. 2018 йилда клублар унинг трансфери бўйича 120 миллион эвазига келишиб олишганди, бонуслар туфайли бу миқдор 160 миллион еврогача кўпайиши мумкин.

«Кўк-анорранглилар» раҳбарияти Коутиньони камида 50 миллионга сотмоқчи. Ўтган мавсумда бразилиялик Ла Лиганинг 12 учрашувида 2 гол ва 2 та голли пас берган.