Angliya futbol assosiasiyasi Garet Sautgeyt bilan shartnomani uzaytirishni taklif qiladi. Unga ko‘ra murabbiy Angliya terma jamoasi bilan Yevro-2024gacha ishlashni davom ettiradi.
"Biz Sautgeytni terma jamoa bilan ishlashda davom etishini istardik. Garet biz uning ishidan qoniqayotganimizni biladi. Biz uning terma jamoada qolishini istaymiz. Yevropa chempionatidan so‘ng biz rasmiy muzokaralarni boshlaymiz", - deydi AFA bosh direktori Mark Ballingem.
Sautgeyt Angliya termasida 2016-yildan beri ishlab keladi. Uning boshchiligida Angliya terma jamoasi JCH-2018 yarim finaligacha yetib bordi. Ma’lumot uchun, 29-iyun kuni Angliya Yevro-2020 1/8 finalida Germaniya bilan to‘qnash keladi.
