Air yoki xAir Ronaldo? De Bryuyne va Lukaku ketar balki? Bugun Yevropa chempionatining yaqqol favoritlaridan biri bilan xayrlashamiz.
Oxirgi yillarda oltin avlod deyilayotgan Belgiya tarkibi zanglashni boshlamasdanoq nomini tarixga yozish uchun so‘nggi imkoniyat. Liderlari “Pik”da, Azardan tashqari. Kevin CHL finalidagi ko‘z yoshlaridan so‘ng har o‘yinda “o‘lish” uchun tushayotgani sezilib turibti. Belgiya kichik favorit.
Portugaliyaning plyus tarafi raqibga moslashuvchanligi. Santush shu tariqa avvalgi Yevroni yutgan. Bugun portugallar himoyada chodir qurib olishlari mumkin, qiziq tomoni bu antifutbolga o‘xshamaydi. Chunki oldinda ijrochilar bor.
Tomosha ko‘rsatish uchun kelgan Martinesni Santush shaxmat o‘ynashga majbur etadi. Portugaliya muammosi gol urish emas, gol o‘tkazmaslik. Uchta o‘yinda beshta urgan Yevrolar to‘purari, katta turnirlar to‘purari, terma jamoalar to‘purari Ronalduga ega tarkib uchun gol urish muammo bo‘lmasligi kerak.
Bu ertalab turib natijasi va gollari ko‘rib qo‘yiladigan o‘yin emas. Bunday bahslarning dramasi faqat jonli efirda his etiladi.
