Portugaliyaga qarshi bahsda nishonga bitta zarba berilganiga qaramay, Belgiya terma jamoasi bosh murabbiyi Roberto Martines jamoasining o‘yinidan mamnun. Mutaxasis ushbu bahsdagi g‘alabaga munosabat bildirdi.

"Biz ulkan konsentrasiyani namoyish etdik va juda yaxshi himoyalandik. Jamoamiz o‘yinni nazorat qildi va kerak bo‘lganda yaxshi himoyalana oldi. Biz juda chiroyli gol urdik, ikkinchi bo‘limda nazorat kutilganidek Portugaliya tomonga o‘tib ketdi. Biz o‘zimizning qat’iyatli xarakterimizni ko‘rsatishimiz kerak edi.

Bizning rejamiz u yoki bu tarzda ikki jihatga asoslangan edi - taktik intizom va sovuq hisob-kitob. Agar biz qarshi hujumlarda to‘pni yaxshiroq nazorat qilsak va unga ko‘proq egalik qilsak, ehtimol ikkinchi bo‘limda Portugaliyaning xavfli o‘yinidan ko‘proq narsani bilib olishimiz mumkin edi", - deydi murabbiy.