Португалияга қарши баҳсда нишонга битта зарба берилганига қарамай, Белгия терма жамоаси бош мураббийи Роберто Мартинес жамоасининг ўйинидан мамнун. Мутахасис ушбу баҳсдаги ғалабага муносабат билдирди.
"Биз улкан концентрацияни намойиш этдик ва жуда яхши ҳимояландик. Жамоамиз ўйинни назорат қилди ва керак бўлганда яхши ҳимоялана олди. Биз жуда чиройли гол урдик, иккинчи бўлимда назорат кутилганидек Португалия томонга ўтиб кетди. Биз ўзимизнинг қатъиятли характеримизни кўрсатишимиз керак эди.
Бизнинг режамиз у ёки бу тарзда икки жиҳатга асосланган эди - тактик интизом ва совуқ ҳисоб-китоб. Агар биз қарши ҳужумларда тўпни яхшироқ назорат қилсак ва унга кўпроқ эгалик қилсак, эҳтимол иккинчи бўлимда Португалиянинг хавфли ўйинидан кўпроқ нарсани билиб олишимиз мумкин эди", - дейди мураббий.
