Yevropa chempionatining beshinchi chorak finalchisi aniq bo‘ldi. Xorvatiya va Ispaniya terma jamoalari muxlislarga supero‘yin namoyish etib berishdi.

Xorvatlar uchrashuvning 20-daqiqasida raqibning avtogoli evaziga hisobni ochishdi. Pedrining uzatmasidan keyin to‘p "qizil furiya" posboni Unai Simonning oyog‘iga tegib, to‘rga borib tushdi.

Ispanlar taym so‘ngiga kelib hisobni tenglashtirishgan bo‘lsa, ikkinchi bo‘lim boshida oldinga ham o‘tib olishdi. Uchrashuvning 76-daqiqasida esa Ferran Torres hisobni 3:1 ko‘rinishiga keltirib, o‘yin taqdirini hal qilib qo‘ygandek edi.

Ammo Xorvatiya kambekni amalga oshirishga muvaffaq bo‘ldi. 85-daqiqada Orshich farqni qisqartirgan bo‘lsa, qo‘shib berilgan daqiqalarda Pashalich muvozanatni tikladi.

Ispaniya terma jamoasi ekstra-taymlarni juda kuchli o‘tkazdi. Ular birinchi 15 daqiqalikda ikkita gol urib, chorak final yo‘llanmasini hal qilishdi.

Yevro-2020. Nimchorak final
Xorvatiya – Ispaniya 3:5 (1:1, 2:2, 0:2)
Gollar: 1:0 – 20, avtogol Pedri, 1:1 – 38 Sarabiya, 1:2 – 57 Aspilikueta, 1:3 – 76 Ferran Torres, 2:3 – 85 Orshich, 3:3 – 90 Pashalich, 3:4 – 100 Morata, 3:5 – 103 Oyarsabal.
Xorvatiya – Livakovich, Chaleta-Sar, Gvardiol, Yuranovich (Brekalo, 74), Vida, Kovachich (Budimir, 79), Modrich (Ivanushes, 114), Vlashich (Pashalich, 79), Brozovich, Rebich (Orshich, 67), Petkovich (Kramarich, 46).
Ispaniya – Unai Simon, Gayya (Alba, 78), Aspilikueta, Laport, Erik Garsiya (Pau Torres, 72), Sarabiya (Olmo, 72), Koke (Fabian Ruis, 78), Pedri, Buskets (Rodri, 102), Ferran Torres (Oyarsabal, 88), Morata.
Ogohlantirishlar: Brozovich (73), Chaleta-Sar (83).