Hozirda Yevropada davom etayotgan futbol bo‘yicha qit’a chempionati 1/8 finalning navbatdagi o‘yinlaridan so‘ng musobaqada 118 ta gol urildi. Ushbu natija Yevropa chempionatlari tarixidagi eng samarali natija bo‘ldi.
Avvalgi rekord - 108 ta gol bo‘lib, 2016 yilda o‘rnatilgandi.
Shuni ta’kidlash kerakki, 24 ta jamoa ishtirokidagi Yevro formati joriy etilguniga qadar Yevro-2000 turniridagi 85 ta gol rekord hisoblangan.
Shuningdek, Yevro-2020 har bir uchrashuvda o‘rtacha 2,81 ta gol bilan eng yaxshi turnirlardan biri bo‘lib turibdi. Avvalgi eng yaxshi natijalar esa quyidagicha:
Yevro-2000 o‘rtacha har bitta o‘yinda 2,74 ta gol,
Yevro-1984 har uchrashuvda o‘rtacha 2,73 ta gol bo‘lgan.
