Ҳозирда Европада давом этаётган футбол бўйича қитъа чемпионати 1/8 финалнинг навбатдаги ўйинларидан сўнг мусобақада 118 та гол урилди. Ушбу натижа Европа чемпионатлари тарихидаги энг самарали натижа бўлди.
Аввалги рекорд - 108 та гол бўлиб, 2016 йилда ўрнатилганди.
Шуни таъкидлаш керакки, 24 та жамоа иштирокидаги Евро формати жорий этилгунига қадар Евро-2000 турниридаги 85 та гол рекорд ҳисобланган.
Шунингдек, Евро-2020 ҳар бир учрашувда ўртача 2,81 та гол билан энг яхши турнирлардан бири бўлиб турибди. Аввалги энг яхши натижалар эса қуйидагича:
Евро-2000 ўртача ҳар битта ўйинда 2,74 та гол,
Евро-1984 ҳар учрашувда ўртача 2,73 та гол бўлган.
