"Inter" "Ayaks" darvozaboni Andre Onana vakillari bilan uchrashdi, deya xabar beradi jurnalist Fabrisio Romano. Manbaning xabariga ko‘ra, Italiya klubi 25 yoshli kamerunlik posbonni 2022-yilning yozida erkin agent sifatida qo‘lga kiritishni o‘ylamoqda.
Ma’lum bo‘lishicha, darvozabonga "Arsenal" va bir qator fransuz klublari ham qiziqish bildirishmoqda, ammo "Ayaks" hali Onana uchun rasmiy taklif olmagan. Eslatib o‘tamiz, 2021-yil fevraldan boshlab Onana doping qabul qilganligi uchun bir yillik diskvalifikasiya muddatini o‘tamoqda.