"Интер" "Аякс" дарвозабони Андре Онана вакиллари билан учрашди, дея хабар беради журналист Фабрицио Романо. Манбанинг хабарига кўра, Италия клуби 25 ёшли камерунлик посбонни 2022-йилнинг ёзида эркин агент сифатида қўлга киритишни ўйламоқда.
Маълум бўлишича, дарвозабонга "Арсенал" ва бир қатор француз клублари ҳам қизиқиш билдиришмоқда, аммо "Аякс" ҳали Онана учун расмий таклиф олмаган. Эслатиб ўтамиз, 2021-йил февралдан бошлаб Онана допинг қабул қилганлиги учун бир йиллик дисквалификация муддатини ўтамоқда.