Rossiya futbol ittifoqining texnik qo‘mitasi Stanislav Cherchesovning Rossiya terma jamoasi bosh murabbiyi lavozimidan iste’foga chiqarilishiga qarshiligini bildirdi, deya xabar beradi "Sport-Ekspress".

Manbaga ko‘ra, RFU texnik qo‘mitasi terma jamoaning Yevro-2020 dagi o‘yinini muvaffaqiyatsiz deb tan olgan, ammo bu yerda murabbiyni o‘zgartirishni xato deb xulosaga kelmoqda.

So‘nggi qaror esa yaqin kunlarda e’lon qilinadi.

Eslatib o‘tamiz, Yevropa chempionatida Rossiya terma jamoasi o‘z guruhida so‘nggi o‘rinni egallab, pley-offga chiqa olmadi. Cherchesovning terma jamoa bilan shartnomasi 2022 yil oxirigacha amal qiladi.