Россия футбол иттифоқининг техник қўмитаси Станислав Черчесовнинг Россия терма жамоаси бош мураббийи лавозимидан истеъфога чиқарилишига қаршилигини билдирди, дея хабар беради "Спорт-Экспресс".

Манбага кўра, РФУ техник қўмитаси терма жамоанинг Евро-2020 даги ўйинини муваффақиятсиз деб тан олган, аммо бу ерда мураббийни ўзгартиришни хато деб хулосага келмоқда.

Сўнгги қарор эса яқин кунларда эълон қилинади.

Эслатиб ўтамиз, Европа чемпионатида Россия терма жамоаси ўз гуруҳида сўнгги ўринни эгаллаб, плей-оффга чиқа олмади. Черчесовнинг терма жамоа билан шартномаси 2022 йил охиригача амал қилади.