O‘zbekiston Superligasining 12-turida "Paxtakor" Toshkent derbisida "Lokomotiv"ga qarshi maydonga tushadi.
"Sherlar" safida diskvalifikasiya bilan bog‘liq yo‘qotishlar mavjud emas. "Temiryo‘lchilar"dan Temurxo‘ja Abduxoliqov sariq kartochkalar sababli bahsni o‘tkazib yuboradi.
Chempionatlar tarixida jamoalar jami 34 bor to‘qnash kelishgan. Ularning 20tasida "Paxtakor" g‘alaba qozongan. 8 bellashuvda durang natija qayd etilib, 6 marta "Lokomotiv" ustun kelgan. Raqib darvozasiga 73 gol urgan "sherlar" 31 to‘p o‘tkazib yuborishgan. O‘tgan mavsumda o‘zaro o‘yinlar tarixidagi eng yirik natija kuzatilgan. O‘shanda "Lokomotiv" 0:7 hisobida imkoniyatni boy berib qo‘ygan. 2005 yilgi bellashuvda esa "Paxtakor" futbolchisi Anvar Soliyev raqib darvozasiga 5ta to‘p kiritgan. Soliyevning ushbu natijasini hozirgacha hech kim o‘zgartira olgani yo‘q. "Lokomotiv" 20ta mag‘lubiyatdan oltitasini yirik hisobda imkoniyatni boy bergan.
"Paxtakor" markaziy stadionida kechgan o‘yinlardagi ko‘rsatkichlar shunday ko‘rinish olgan: 11 g‘alaba, 3tadan durang va mag‘lubiyat. Gollar bo‘yicha ustunlik "Paxtakor" foydasiga - 46:19. O‘tgan mavsumdada mazkur arenada kechgan bahsda maydon egalari "Paxtakor" 1:0 hisobida zafar quchgan.
"Paxtakor" va "Lokomotiv" jamoalari o‘rtasidagi uchrashuv 4 iyul, yakshanba kuni soat 20:00da "Paxtakor" stadionida boshlanadi.
