Ўзбекистон Суперлигасининг 12-турида "Пахтакор" Тошкент дербисида "Локомотив"га қарши майдонга тушади.
"Шерлар" сафида дисквалификация билан боғлиқ йўқотишлар мавжуд эмас. "Темирйўлчилар"дан Темурхўжа Абдухолиқов сариқ карточкалар сабабли баҳсни ўтказиб юборади.
Чемпионатлар тарихида жамоалар жами 34 бор тўқнаш келишган. Уларнинг 20тасида "Пахтакор" ғалаба қозонган. 8 беллашувда дуранг натижа қайд этилиб, 6 марта "Локомотив" устун келган. Рақиб дарвозасига 73 гол урган "шерлар" 31 тўп ўтказиб юборишган. Ўтган мавсумда ўзаро ўйинлар тарихидаги энг йирик натижа кузатилган. Ўшанда "Локомотив" 0:7 ҳисобида имкониятни бой бериб қўйган. 2005 йилги беллашувда эса "Пахтакор" футболчиси Анвар Солиев рақиб дарвозасига 5та тўп киритган. Солиевнинг ушбу натижасини ҳозиргача ҳеч ким ўзгартира олгани йўқ. "Локомотив" 20та мағлубиятдан олтитасини йирик ҳисобда имкониятни бой берган.
"Пахтакор" марказий стадионида кечган ўйинлардаги кўрсаткичлар шундай кўриниш олган: 11 ғалаба, 3тадан дуранг ва мағлубият. Голлар бўйича устунлик "Пахтакор" фойдасига - 46:19. Ўтган мавсумдада мазкур аренада кечган баҳсда майдон эгалари "Пахтакор" 1:0 ҳисобида зафар қучган.
"Пахтакор" ва "Локомотив" жамоалари ўртасидаги учрашув 4 июль, якшанба куни соат 20:00да "Пахтакор" стадионида бошланади.
