Bilasiz, futzal bo‘yicha O‘zbekiston milliy terma jamoasi Litva mezbonlik qiladigan Jahon chempionatida ishtirok etadi.

Yaqinlashib kelayotgan mundialga munosib tayyorgarlik ko‘rish maqsadida futzalchilarimiz jahonning yetakchi futzal terma jamoalari bilan o‘rtoqlik uchrashuvlari tashkil etib kelmoqda.

Xususan, Bahodir Ahmedov shogirdlari o‘tgan hafta Janubiy Amerikaning eng kuchli terma jamoalaridan biri hisoblangan Venesuyela bilan kuch sinashdi. “Yunusobod” sport majmuasida bo‘lib o‘tgan ushbu uchrashuvlarda dastlab during natija, keyingi bahsda esa vakillarimiz g‘alaba qozondi.

Jahon chempionati uchun tuzilgan tayyorgarlik rejasiga asosan futzalchilarimiz 3-18 iyul kunlari Toshkent shahrida o‘quv-mashg‘ulot yig‘inini o‘tkazadi. Bosh murabbiy Bahodir Ahmedov ushbu yig‘in uchun 20 nafar futzalchini jalb etgan.

Shuningdek, terma jamoamiz jismoniy tayyorgarligi oshirish va darvozabonlar mahoratini yanada yaxshilash maqsadida ispaniyalik Karlos Korona Suares hamda Arkaitz Sisnyega Gomes murabbiylar shtabida ish boshlaydi.

Yig‘inga chaqiruv olgan futzalchilar ro‘yxati

1. Elmurodov Abbos
2. Eliboyev Ravshan
3. Umarov Rustam
4. Erkinov Xushnur
5. Adilov Mashrab
6. Raxmatov Anasxon
7. Xamroyev Ilhom
8. Raxmatov Dilshod
9. Sadiyev Shaxzodjon
10. Ibragimov Isoxon
11. Ropiyev Ixtiyor
12. Nishonov Xusniddin
13. Choriyev Davron
14. Jo‘rayev Sunnatilla
15. To‘lqinov Elbek
16. Usmonov Akbar
17. Axadjonov Muzaffar
18. Solixov Xayrulla
19. Shavkatov Dilmurod
20. Ibragimov Davlat