Биласиз, футзал бўйича Ўзбекистон миллий терма жамоаси Литва мезбонлик қиладиган Жаҳон чемпионатида иштирок этади.

Яқинлашиб келаётган мундиалга муносиб тайёргарлик кўриш мақсадида футзалчиларимиз жаҳоннинг етакчи футзал терма жамоалари билан ўртоқлик учрашувлари ташкил этиб келмоқда.

Хусусан, Баҳодир Аҳмедов шогирдлари ўтган ҳафта Жанубий Американинг энг кучли терма жамоаларидан бири ҳисобланган Венесуела билан куч синашди. “Юнусобод” спорт мажмуасида бўлиб ўтган ушбу учрашувларда дастлаб дуринг натижа, кейинги баҳсда эса вакилларимиз ғалаба қозонди.

Жаҳон чемпионати учун тузилган тайёргарлик режасига асосан футзалчиларимиз 3-18 июл кунлари Тошкент шаҳрида ўқув-машғулот йиғинини ўтказади. Бош мураббий Баҳодир Аҳмедов ушбу йиғин учун 20 нафар футзалчини жалб этган.

Шунингдек, терма жамоамиз жисмоний тайёргарлиги ошириш ва дарвозабонлар маҳоратини янада яхшилаш мақсадида испаниялик Карлос Корона Суарес ҳамда Аркаитз Сисньега Гомес мураббийлар штабида иш бошлайди.

Йиғинга чақирув олган футзалчилар рўйхати

1. Элмуродов Аббос
2. Элибоев Равшан
3. Умаров Рустам
4. Эркинов Хушнур
5. Адилов Машраб
6. Рахматов Анасхон
7. Хамроев Илҳом
8. Рахматов Дилшод
9. Садиев Шахзоджон
10. Ибрагимов Исохон
11. Ропиев Ихтиёр
12. Нишонов Хусниддин
13. Чориев Даврон
14. Жўраев Суннатилла
15. Тўлқинов Элбек
16. Усмонов Акбар
17. Ахаджонов Музаффар
18. Солихов Хайрулла
19. Шавкатов Дилмурод
20. Ибрагимов Давлат